XIII Міжнародная студэнцкая навукова-практычная канферэнцыя «Свет у ХХІ стагоддзі: эканамічныя, палітычныя і сацыякультурныя аспекты» (на замежных мовах), адбылася ў Беларускім дзяржаўным эканамічным універсітэце на базе факультэта міжнародных бізнес-камунікацый. Мерапрыемства прайшло з удзелам курсантаў Магілёўскага інстытута МУС.

На канферэнцыі былі прадстаўлены даклады ўдзельнікаў з устаноў вышэйшай адукацыі не толькі Беларусі, але і Кітая, Індыі, Бразіліі. У межах канферэнцыі на навуковых секцыях разглядаліся пытанні, прысвечаныя сучасным тэндэнцыям развіцця сусветнай эканомікі, асаблівасцям узаемадзеяння краін і рэгіёнаў свету, сацыяльна-культурнаму асяроддзю міжнароднага супрацоўніцтва, грамадска-палітычнаму і сацыяльна-эканамічнаму развіццю краін і рэгіёнаў, а таксама асаблівасцям развіцця сучаснага лінгвакультурнага асяроддзя.

8 курсантаў факультэта міліцыі Магілёўскага інстытута МУС прадставілі вынікі сваіх даследаванняў у галіне эканомікі, лінгвістыкі і грамадска-палітычнага ладу. Сярод іх – Варвара Няхаева, Іван Бяржанін, Ілля Клімовіч, Аляксандра Ярокава, Анастасія Лаўрова, Уладзіслаў Красноў, Анастасія Мядзведская, Руслана Бутоніна. Усе даклады прагучалі на замежных мовах і былі падрыхтаваны ў рамках работы навуковага гуртка кафедры сацыяльна-гуманітарных дысцыплін (кіраўнікі работ – начальнік кафедры Сяргей Венідзіктаў, выкладчыкі кафедры Яўген Іваноў, Ганна Шатава). Тэзісы курсантаў будуць апублікаваны ў навуковым зборніку, які выйдзе ў бліжэйшы час.

Па інфармацыі кафедры сацыяльна-гуманітарных дысцыплін
Фота з афіцыйнага сайта Беларускага дзяржаўнага эканамічнага універсітэта