НАВУКОВЫЯ ДЫСКУСІІ КУРСАНТАЎ З УРАЛАМ

• 

Подробности

Обновлено 15.04.2022 15:58

Опубликовано 15.04.2022 15:56

14 красавіка ва Уральскім юрыдычным інстытуце МУС Расіі (Екацярынбург) прайшло пасяджэнне даследчай суполкі «Навуковыя дыскусіі», да якога запрасілі далучыцца ўдзельнікаў навуковага гуртка кафедры сацыяльна-гуманітарных дысцыплін.

Магілёўскі інстытут МУС падчас дыскусіі прадстаўлялі выкладчык Кацярына Лапо і курсанты 1 курса факультэта міліцыі Вікторыя Сярэдзінская, Дзіяна Мядзведская, Аляксандра Ярокава, Максім Батура і Аляксандр Кошкін. Асноўнымі накірункамі дыскусій сталі аспекты расследавання махлярстваў, якія здзяйсняюцца з выкарыстаннем інфармацыйна-тэлекамунікацыйных тэхналогій, і супрацьдзеянне прыцягненню непаўналетніх да дэструктыўных антыграмадскіх паводзін.

Курсанты абмяняліся меркаваннямі адносна злачынстваў з выкарыстаннем банкаўскіх карт і IT-тэхналогій, іх відаў і шляхоў прадухілення, таксама закранулі псіхалагічныя асаблівасці асобы непаўнагадовых, якія найбольш схільныя да ўплыву злачынцаў у сетцы Інтэрнэт.

Набыты вопыт навуковых дыскусій, нават у дыстанцыйным фармаце, будзе карысны курсантам, якія толькі пачынаюць займацца самастойнай навукова-даследчай дзейнасцю. А супрацоўніцтва з моладдзю з партнёрскай навучальнай установы плануецца працягваць і ў іншых навуковых фарматах.

Па інфармацыі кафедры сацыяльна-гуманітарных дысцыплін