27 верасня кафедра сацыяльна-гуманітарных дысцыплін зладзіла конкурс для першакурснікаў, прысвечаны Дню еўрапейскіх моў. Мерапрыемства стала традыцыйным і праходзіць ужо шэсць год запар.

Каб паказаць важнасць вывучэння замежных моў і скіраваць на самастойную працу, курсантам 1 курса прапанавалі паўдзельнічаць у "моўным спаборніцтве". З кожнага ўзвода былі сфарміраваны каманды. Ім трэба было паказаць валоданне англійскай ці нямецкай мовай, агульную эрудыцыю.

Падчас тэарэтычнага этапу Дня еўрапейскіх моў юнакам прапанавалі распавесці, чаму вывучэнне замежных моў неабходна супрацоўнікам МУС, а таксама паразважаць, якія моманты, звязаныя з вывучэннем моў, пакінулі яркія ўспаміны. Таксама каманды прынялі ўдзел у выпрабаванні на складанне новых слоў з аднаго прапанаванага. Па-за конкурсам паспрабаваць свае сілы ў вымаўленні найвялікшых слоў у англійскай і нямецкай мовах змаглі і гледачы. Майстар-клас по вымаўленню быў праведзены выкладчыкамі кафедры.

Журы, у склад якога ўвайшлі выкладчыкі кафедры сацыяльна-гуманітарных дысцыплін, прапанавала ўдзельнікам таксама музычны этап, які стаў разынкай конкурсу. Курсантам трэба было самастойна падабраць песню на англійскай, нямецкай альбо іншай еўрапейскай мове і выканаць яе ў фармаце караоке. Але была і ўдзельніца, якая падыйшла да творчага конкурсу больш сур'езна і прадэкламавала верш нямецкага паэта Генрыха Гейне. Выкананыя пад гітару песні "Where is my mind" і "Sweater weather" спадабаліся ўсім гледачам. Увогуле творчая частка конкурсу атрымалася інтэрактыўнай, бо аўдыторыя з задавальненнем падпявала такім хітам, як "What is love", "No time to die" і "Old Town Road".

Па выніках конкурсу найлепшае валоданне замежнымі мовамі паказалі каманды 15 і 16 узвадоў. Пасля такіх выпрабаванняў заняткі і залікі па англійскай і нямецкай мовах павінны прайсці больш прадуктыўна.

Па інфармацыі кафедры сацыяльна-гуманітарных дысцыплін