Мітынг да Дня Перамогі

• 

Подробности

Обновлено 10.05.2018 16:08

Опубликовано 08.05.2018 15:56

Напярэдадні Дня Перамогі ўрачысты мітынг, прысвечаны 73-годдзю Вялікай Перамогі, прайшоў ля помніка байцам батальена міліцыі капітана Канстанціна Ўладзімірава.

Кіраўніцтва ўпраўленняў, аддзелаў і службаў УУС, начальнікі ОУС Магілёўскага гарнізона, кіраўніцтва Магілёўскага інстытута МУС, абласнога кадэцкага вучылішча ўсклалі вянкі і кветкі да помніку.

Да ўдзельнікаў урачыстага мітынгу звярнуўся начальнік УУС Магілёўскага аблвыканкама палкоўнік міліцыі Ігар Шчарбачэня.

Пра цяжкія франтавыя гады і пра тое, што я давялося перажыць у вайну распавёў ветэран органаў унутраных спраў палкоўнік міліцыі ў адстаўцы Мікалай Ільіч Ількевіч, удзельнік Вялікай Айчыннай вайны (партызан атрада брыгады імя Варашылава). Ен павіншаваў усіх з надыходзячым Днём Перамогі.

Менавіта яму начальнік УУС палкоўнік міліцыі Ігар Шчарбачэня першаму ўручыў нагрудны памятны знак «100 год магілеўскай міліцыі». Затым прайшла цырымонія ўзнагароджання, удзел у каторай прынялі начальнік Магілёўскага інстытута МУС генерал-маёр міліцыі Валерый Палішчук і першы намеснік старшыні рэспубліканскага Савета ветэранаў ОУС і ВВ генерал-маёр міліцыі Барыс Алданаў.

У завяршэнні мерапрыемства напярэдадні 100-гадовага юбілею Магілёўскай міліцыі УУС Магілеўшчыны была ўручана харугва з абліччам Бялыніцкай іконы Божай Маці.

Любоў ШУМІЛКА
Паводле інфармацыі УУС Магілёўскага аблвыканкама